Pestle & Mortar 超級孖寶

今次我醒呀，用咗呢2樣產品皮膚喺咁嘅天氣都無事！全靠佢哋我塊面先有救。好啦。唔講咁多費話，等我快啲介紹呢2樣孖寶先！


第1樣係 Pestle & Mortar ( P&M) 嘅皇牌精華。唔好見佢細細樽咁，其實你用2-3滴已經可以搽晒成面，仲超級快吸收！搽完塊面好乾爽，唔怕lup。




佢嘅好處:
1．保濕，撫平細紋，恢復青春彈性舒緩。連最敏感嘅皮膚都用得
2．針對細紋、暗啞同脫水，恢復健康光澤同飽滿嘅皮膚
3．無香料配方，質地輕巧，輕易滲入皮膚

佢成份係有80%濃縮透明質酸！我唸係呢個市面上真係無一枝精華有咁高百分比嘅透明質酸！等我講介下咩係透明質酸先...

透明質酸係我哋人體自然產生嘅碳水化合物。佢算係最水性嘅分子，所以被稱爲‘nature's moisturizer’ 。人體幾乎每一個細胞都會發現透明質酸。最多最集中係喺我哋皮膚組織度搵到-有50%咁多！佢哋喺深層真皮同見光嘅表皮層搵到。透明質酸可以保持皮膚持續濕潤係因為綁住高達1000倍重量嘅水份喺皮膚上。咁隨著年齡嘅增長，皮膚嘅能力，皮膚產生嘅透明質酸亦慢慢降低。

所以你話呢枝含80%濃縮透明質酸係咪好掂先！真係冇介紹錯！佢算係市面上最有有效嘅透明質酸精華!!



第2樣產品係佢哋啱啱推出嘅 hydrate 面霜。佢質地唔厚，搽上面好容易推開，好快吸收。塊面唔怕lup 亦好保濕。




佢嘅好處:
1．減少細紋同皺紋嘅出現，有專利嘅肽混合成份
2．三同四肽技術可以幫助刺激膠原蛋白嘅增生，恢復皮膚嘅緊緻度同彈性
3．天然保濕因子（NMF's），荷荷巴油同角鯊烷會即刻令皮膚更柔軟，更緊緻。而強大嘅抗氧化成份石榴，綠茶同維生素E有助對抗自由基。


見到呢啲好處已經覺得好正！佢包裝用 " airless container" 一個密不透風嘅包裝。呢個真係要加分因為呢個包裝可以確保面霜保持新鮮，無細菌入侵。佢成份係無:
1．羥基苯甲酸酯 (parabens)
2．礦物油 (mineral oil)
3．矽氧烷 (silicones)
4．硫酸酯 (sulphates)
5．丙二醇與合成香料 (propylene & synthetic fragrance)

另外，佢亦可以抗衰老！上面提到三同四肽技術可以幫助刺激膠原蛋白嘅增生。你哋都知隨住年齡增長，膠原蛋白亦會減少。皮膚就開始鬆弛同出現皺紋。呢啲就係衰老嘅跡象。其實我哋皮膚超過80%係又膠原蛋白造成。由於膠原蛋白係唔可以喺皮膚度吸收，所以會用成份石榴提取物，三肽，綠茶同維生素E去促進膠原蛋白同彈性蛋白生產，令皮膚自然光滑、軟化、緊緻，減低衰老嘅跡象！

用開呢2樣產品真係以後都唔洗換！佢哋已經係我daily skincare routine嘅家人。